a7lamelshabab

عزيزي الزائر مرحبا بك في منتديات احلام الشباب نتمني ان تنضم الي اعضاء المنتدي
ونتمني ان تستمتع في منتديانا
ونرجو ان تكون في صحه جيده


مع تحيات :مدير المنتدي
a7lamelshabab

منتديات احلام الشباب


    بتمنا الكل يدخل يعطيني رأيه لأني تعبت من مشكلتي

    شاطر
    avatar
    tareq332211
    عضو عادي
    عضو عادي

    عدد المشاركات : 1
    الدوله : فلسطين
    العمر : 28
    تاريخ التسجيل : 09/01/2010
    الجنس : ذكر

    بتمنا الكل يدخل يعطيني رأيه لأني تعبت من مشكلتي

    مُساهمة من طرف tareq332211 في السبت يناير 09, 2010 2:45 am

    بسم الله الرحمن الرحيم

    اخوتي انا بجد واقع ب موقف والله بموت مليون مره في اليوم وتعبان كتير مش عارف شو اعمل
    قصتي اني بحب بنت من مدينة تانيه البنت اكبر مني بسنتين وما كملة جامعه وانا هلأ سجلت جامعه وكلشي تمام بس من فترة اهلها
    عرفو ب العلاقة الي بينا وبتعرفو الاهل كيف والبنت انسحب منها الجوال واي وسيلة اتصال وانحجزت في البيت المهم البنت كل يوم بتكلمني من جوال صاحبتها بنت ولا اروع بجد

    انا حبيت من قبلها اكتر من 3 مرات وانخنت بس هاي البنت هيه الي كنت ادور عليها بجد

    هيه الحب الحقيقي بس المشكله انو انا خايف اظلمها معي

    يعني انو تستناني اكتر من سنة ويمشي عمرها واهلي بس اجي اطلبها يعترضو على عمرها

    مع انو انا حكتلها خوفي ووضحتلها كل شي وقررنا نبعد بس ما قدرنا ولا هيه قادرة وبضل تبكيلي وانا ببكي معها لأنو بحبها وبنفس الوقت الخوف هدا مخليني مش مرتاح

    والله لما احكيلها عن العمر انو يمشي وتكبر وما اقدر اخذها بتحكيلي ما بدي اتجوز بس اضل اكلمك طيب ياربي بنت زي هيك متمسكه فيه وشاريتني ومتحديه الدنيا عشاني شو اعمل فيها اتركها والله صعبه حتى لما ابعد عنها ما برتاح ولما اكون معها بخوفني هدا الموضوع تاع احتمال اهلي يرفضو واكون ظلمت البنت

    انا واحد بقدر اتحدى لاخر نفس بس خايف التحدي يطول ويصير شي يمنعني عن البنت مع انو اهلي ديمقراطيين يعني في لغة حوار صريحه ناس متعقليين ب الذات الوالد

    فأنا مش عارف صراحه

    لأنو هدا الموضوع بخاف يخليني اضعف اذا شفت بنت في الجامعه وحنت علي اني اضعف قدامها

    لأنو بحس هدا الموضوع بتعبني من داخلي ومن داخل قلبي وبخنقني ما بدي اظلم يا جماعه اكتر شي بقتلني الظلم لأني دقته بس البنت كتير بتحبني لو احكيلها موتي بجد بتموت

    وما بدي اظلمها انا بدي انتو رأيكم بربكم لأني كتير تعبان

    ياريت الكل يعطيني رأيو واشوف رأيي الاغلبيه لأني ما بعرف انام لأنو ضميري بعذبني اذا تركتها انو وحده حبتني لدرجه وتحدت عشاني اتركها وبعذبني من جهة اذا ضليت معها انو اظلمها

    بدي رأيكم شباب وصبايا

    تحملوني ع الاطاله

      الوقت/التاريخ الآن هو السبت سبتمبر 22, 2018 7:09 am